(၁)
ခြေကုတ်မမြဲလို.
အကြိမ်ကြိမ်လဲကျဘူးခဲ့တယ်။
လေယမ်းဝှေ.တိုး
သစ်ရွက်မိုးနဲ.တော့မစိုချင်ဘူး
ကောင်းကင်ရဲ.လက်ဆောင်ကိုတောင်
လက်ဝေခံယူနေရရင်မလိုချင်ဘူး
အဲဒီမာနကလည်း
အမေ့ဇာတိပြတယ်။
ဒါပေမယ့်အမေ့သားက
မှားတဲ့နေရာမှာပိုပါတယ်
မမြဲလို.တော့မဟုတ်ဘူး
တစ်ယောက်သူမျက်ရည်ဝဲလို.
ဆွဲထားတဲ့လက်ကိုလွှတ်ပေးခဲ့ဘူးပါတယ်။
ကံကြမ္မာခင်းပေးတဲ့ လမ်းကိုမလျောက်ဘူး
အနုပညာကိုပဲ လိုက်ကောက်ချင်ခဲ့သူ
ငါဖောက်ထွင်းခဲ့တဲ့ ၀င်္ကဘာက
ဆူးကွန်ခြာ အလွှာလိုက် ထပ်နေတော့
ခြေထောက်တွေ စုတ်ပြတ်ခဲ့ပါပြီ။
(၂)
မြေပြင်က ကြမ်းတမ်းရုံပဲဆို
ဘယ်လိုဖြစ်ဖြစ် လျောက်ရဲပါတယ်
အခုတော့လည်း
လမ်းစတွေက စိတ်မွှာ
ဘယ်နေရာ ဘယ်အကွေ.မှာ
ဘာတွေ.မှာလဲ မသိတော့
လျောက်မိတဲ့ ခြေထောက်တွေက
နှလုံးသားကို သစ္စာဖောက်ပြီလား
တွေးမိရင် ရင်နာရပြန်တယ်။
ဒီလမ်းကိုပဲမှားလျောက်တော့
ဒီဆူးကပဲ ခြေကို ထပ်ဖောက်တာပေါ့
ပြုံးရတာလည်း ရှက်ဖို.ကောင်းပြီထင်တယ်
ကျောက်သင်ပုန်းပေါ်က “ကကြီး ခခွေး” လို
လက်လေးနဲ.ဖျက်လို.တော့ ဘယ်ရပါ့မလဲ။
(၃)
ဆူးဝင်္ကဘာမှာမောပန်းလည်း
ဝမ်းမနည်းခဲ့ပါဘူး
ဘယ်လက်မှာတွဲစရာမရှိပေမယ့်
ညာဘက်လက်တကြောလုံး
အနုပညာကသွေးတိုးနေတယ်
အချိန်တန်ရင် ပန်းတွေပွင့်လာမှာပါ။
အားပေးဖော်ဆိုတာက
အားငယ်တတ်သူတွေအတွက်ပေါ့
ငါလိုအပ်တာက
ပေးဆပ်သူမဟုတ်ဘူး
မျှဝေတတ်သူပဲဖြစ်တယ်။
(၄)
စံပယ်ကိုရှာရင်းနဲ.
နှင်းဆီဆူးနဲ.လည်း ငြိဘူးပြီ
အမှောင်ထဲကနှစ်ယောက်
တစ်ယောက်ကို တစ်ယောက် ၀င်တိုက်မိတာ
ရေစက်မဟုတ်ပါဘူး
ဝဍ္ဍ်ကြွေးကျေသွားတာပါ။
ပိုင်ရှင်ရှိတဲ့ သစ်ပင်ရိပ်လေးကို
ပိုင်ရှင်လာတော့ ဖယ်ပေးရသလို
ကိုယ်ပိုင်တဲ့ သစ်ပင်လေးကိုလည်း
အားကြီးသူလာတော့ ထပြေးခဲ့ရတာပါပဲ
ဒီကမ္ဘာကြီးကို နားလည်ရတာလည်း
ရင်ကွဲပက်လက်နိုင်လွန်းပါတယ်။
ကိုယ့်ဘ၀ရဲ့ မှတ်စုများမှာ
ခြေထောက်ဆိုတာက
ထွက်ပြေးဖို.နဲ. လမ်းမှားဖို.မျှသာ
အမေ့ကို အားနာမိသော
ထို ခဏငယ်များစွာမှသည်……
………………………………..
……………………………………
(၅)
မုန်တိုင်းကြမ်းကြမ်းပြီးတဲ့နောက်
လမ်းပျောက်တာလဲအကောင်းသား
စမ်းတ၀ါးဝါးသွားရင်း
မြရွက်ရည်သစ်နွယ်ကြားက
ပန်းသီးတစ်လုံးကိုစားမိတယ်။
ပြီး
အိပ်ပျော်သွားလိုက်တာ
နိုးလာတော့
ကမ္ဘာဟာတစ်ခုခုတော့မှားနေပြီ။
ဘယ်ဘက်ရင်ခွင်က
ပြည့်လျှမ်းလာတဲ့တစ်စုံတစ်ရာဟာ
ပခုံးသားတစ်လျောက်
တင်းရင်းနွေးမြသွားလို.
ခေါင်းငဲ့ကြည့်မိတော့
အို……………………………
…………………………………
…………………………………
မျက်လုံးထဲမှာငွေဖြူရောင်လက်သွားတယ်
လမင်းရဲ.ကြည်သန်.မှုနဲ.
ငါ့မှာ
တောင်ပံတစ်စုံနဲ.
တောင်ပံတစ်စုံနဲ.
တောင်ပံတွေတစ်စုံနဲ.။
(၆)
ပန်းပွင့်လေးတွေက
ကောင်းကင်ကိုပဲမော့ကြည့်တယ်
မီးခိုးမွမွတွေက
အပေါ်ကိုပဲလွင့်တက်တယ်
အထက်တစ်နေရာမှာ
တို.မသိတဲ့မြင့်မြတ်မှုတစ်ခုခု
ရှိနေမှာအသေအချာပေါ့…………
ပျံသန်းခြင်းဟာ
ဘုရားသခင်ရဲ.လက်ဆောင်မွန်ဆိုရင်
တောင်ပံတွေဟာ
လူသားနဲ.ဒေ၀တာကိုဆက်သွယ်တဲ့
တစ်ခုတည်းသောကြိုးဖြစ်တယ်။
ခြေထောက်ဆိုတာက
လမ်းရှိမှလှမ်းလို.ရတယ်
အကန်.အသတ်မဲ့လွတ်လပ်ခြင်းကိုတော့
တောင်ပံတွေကပေးတယ်
မြေပြင်ကရက်စက်တတ်တယ်
ကောင်းကင်ကသိမ်မွေ.တယ်
တို.ဘ၀တွေက
ရွေးချယ်ခွင့်နည်းလွန်းခဲ့တယ်။
တောမီးတွေလောင်ချိန်
ခြင်္သေ့တွေကျားတွေလည်စင်းခံရတယ်
ငှက်တွေကတော့
လေကိုဆန်ပီးနေရာသစ်ရှာတယ်
လောကဟာ
အဓိပ္ပါယ်တစ်ခုခုရှိနေတာပဲ။
(၇)
အိပ်မက်ဆိုရင်လည်း
ကျေနပ်ပါတယ်
အမေပေးတဲ့ခြေထောက်တွေက
တာဝန်ကျေအောင် ထမ်းခဲ့ပီးပါပြီ
ခုအချိန်မှာတော့
တောင်ပံလေးနဲ. ခရီးဆက်ပါရစေဦး။
သော့လေးတစ်ချောင်းထဲမှာ
အခန်းကြီးတစ်ခုသိမ်းထားသလိုမျိုး
တောင်ပံလေးထဲမှာ
င့ါအနာဂတ်တစ်ခုလုံးဝှက်ထားလိုက်မယ်
ခက်ခဲဘူးတဲ့တောင်ထိပ်တွေ
ဝေးလွန်းတဲ့ပန်းတိုင်တွေ
မရောက်ဘူးတဲ့စားကျက်တွေအတွက်
မြေပုံလေးပဲဆိုကြပါစို.။
လမ်းတွေကငါ့ခြေထောက်တွေကိုခေါ်ယူတော့
ငါဟာလမ်းရဲ.အစေအပါးပဲဖြစ်ရတယ်
တောင်ပံလေးနဲ.ကျ ငါဟာ
ရှုခင်းတွေကိုငါ့ဆီခေါ်ယူနိုင်တဲ့
နတ်တမန်တစ်ပါးလိုခံစားရပြန်လေတယ်။
လမ်းမရှိလည်းဘာအရေးလဲ
ကောင်းကင်ဟာငါ့လမ်းဖြစ်တယ်
ခက်ခဲခဲ့ဘူးသောအနာဂတ်ရေ
အရှူံးကနေ ငါပြန်အနိုင်ယူဖို.
တောင်ပံလေးနဲ.ငါပျံလာခဲ့မယ်။
ကောင်းကင်မှာဝင်္ကဘာမရှိဘူး
တောင်ပံလေးကလမ်းညွှန်အလံလေးပဲ
မြေပြင်ကရှုပ်ထွေးမည်းနက်တယ်
ကောင်းကင်ကရှင်းလင်းတောက်ပတယ်
တောင်ပံလေးနဲ.ခရီးနှင်မယ်။
(၈)
ငါ့တောင်ပံလေးရေ
လောက ကိုပြန်လည်ဖန်ဆင်းဖို.
ငါ့ဆီကို မင်းရောက်လာခဲ့တယ်
ဘ၀ကိုပြန်လည် ဦးသစ်ရွှန်းမြဖို.
မင်းနဲ.ငါခရီးနှင်ကြပါစို.ကွယ်။
စံပယ်များပွင့်ရာဆီ
သစ္စာတရား ထွန်းကားရာဆီ
အမုန်းတရားများဝေးရာဆီ
အသစ်ဖြစ်သော အရာရာဆီ
တောင်ပံလေးနဲ.
တောင်ပံလေးနဲ. ခရီးနှင်။ ။
