သစ္စာ

အရှုံး

နောက်ကျခြင်း

ဝိုင်

စီအိုပီဒီ

နတ်ရူးဗုံအကွဲတစ်လုံးနဲ.တစ္ဆေ

အမေ့ရင်ထဲမှာနေတယ်။


သူကလူရိုင်း

တစ်ညလုံး တစ်ညလုံး

တအုန်းအုန်းတဒိုင်းဒိုင်းနဲ.

ညွှတ်ကိုင်းနေရတဲ့ အမေ့ရင်ဘတ်ကို

တရစပ်တီးခတ်တယ်။


လည်ချောင်းတွေ ရင်ဘတ်တွေနဲ.

ခုတ်မောင်းတဲ့ စက်တစ်လုံးလို

တဂျုံးဂျုံးမောင်းနှင်ခဲ့ညတိုင်း

အနှိုင်းအဆမဲ့နာကျင်

ချောင်းဆိုးနေတာ

ကျွန်တော်သာဖြစ်ချင်တယ်။


မာယာသိပ်များတဲ့စစ်နတ်ဘီလူး

ငါ့အမေကိုမှဝင်ပူးကပ်

အစိမ်းခြွေလိုက် အမှည့်ခြွေလိုက်နဲ.

သူ.စိတ်ကြိုက် အသေသတ်တယ်။


ချောင်းကွဲဆိုးသံတစ်ခုနဲ.တစ်ခုအကြား

အသက်ရှူဖို.နားပါဦးအမေ

ကျွန်တော်လေ

လက်ပိုက်ကြည့်နေရသလိုပဲ

ရင်ထဲမှာမချိဘူး။


ကျွန်တော်ပါးအပ်ခဲ့တဲ့ရင်ခွင်

ကျွန်တော်နားကြပ်မတင်ရဲဘူး

ရူးသွပ်ခမန်းအံကိုကြိတ်

အမေ့ကွယ်ရာမှ

တိတ်တိတ်မျက်ရည်ကျမယ်။


ကျွန်တော်နိုးမှာစိုးလို.

ချောင်းကိုကျိတ်ကျိတ်ဆိုးနေသလားအမေ

မျက်ဝန်းတွေ တင်းအောင်ပိတ်တဲ့ကြားက

ပါးပြင်မှာပူနွေးသွားတယ်။


အမေ

အရှုံးမပေးလိုက်ပါနဲ.အမေ

ငိုက်နာညှိုးသွေ.နေတဲ့အမေ့တစ်ဘ၀လုံးကို

ကျွန်တော်ကျေးဇူးဆပ်ဖို.ချန်ထားပါဦးအမေ။


ထင်းပြာ မီးခိုးပြာတွေတဖွေးဖွေးနဲ.

ချက်ပြုတ်နေခဲ့တဲ့အမေ

အမေ့ရဲ.အကြင်နာ အနစ်နာ

အမေ့ဆီကိုပြန်လာခဲ့တာ

“အဆုတ်နာ”တဲ့လားအမေ။


ဘီလူးနှစ်ကြမ်း သုံးဆယ်လေးဆယ်

ငါ့အမေကိုခြယ်လှယ်ခဲ့ကြ

ပိန်ပါးဖြူဖျော့တစ်ဘ၀လုံး

သားသမီးတွေအတွက် ဆုံးရှုံးပေးရင်း

ဖရောင်းအိုတစ်တိုင်လို

မနိုင့်တနိုင် လင်းခဲ့သူ။


ကျောက်သားကျောက်ဖျာမှာ

ပန်းပင်တွေပေါက်လာအောင်စိုက်ပျိုး

အဲဒီလို ဥယျာဉ်မှူးမျိုး

အံ့သြတကြီးနဲ

မီးတောက်မတတ် ငါရိုကျိုးတယ်။


လောကဓံနဲ. အလချိန်ကာလကြား

ငါတို.တတွေ လူလားမြောက်ချိန်မှာ

ယိုင်ရွဲ.ချိနဲ.နေတဲ့ အမေ.အိမ်လေ

မြောက်ပြန်လေ တကျော့ပြီးတကျော့ရစ်ခွေခဲ့

အဖြစ်တွေပျက်ချိန်ပေပဲ။


စကားလှလှဆိုဖူးသူများ

အမေ့ကိုနွေမှာချန်ထားခဲ့ကြ

အများသူငါလို ဘ၀နေအိုချိန်

အမေ့ဆီမီးက ပိုမှိန်တယ်။


ပြန်မလာတတ်သူတို.

ကိုယ့်လမ်းကိုယ်လျှောက်ကြပါ

တခါတရံအတွေးစိမ်းတွေနဲ.

တစ်ချက်လောက်ပြန်ယိမ်းကြည့်ရင်

ငါတို.အမေရဲ.ရင်ခွင်

ဟိုတစ်ချိန်ကပမာ

မေတ္တာတွေလဲ့လဲ့စင်နေသေးတာ

မြင်တတ်ရင်မြင်လို.ရပါတယ်။


သေးသွယ်ရှုံ.တွနေတဲ့ လက်မောင်းအိုတွေကြားထဲက

ဘယ်လိုအားအင်မျိုးတွေက

တို.ဘ၀ကို ဖြူစင်အောင်လျှော်ဖွပ်ခဲ့ပါသလဲ

ခွဲခွာတတ်သူများရေ

နေ၀င်ညနက်ချိန်ဆို

အမေအိုချောင်းဆိုးသံ….ပြန်……ကြားနိုင်ပါစေ။


အဆင်ပြေနေသူတွေကို

အနေမတတ်အစားမတတ်မှာ အမေစိုးသတဲ့

မေ့ရက်လို.မေ့ခဲ့သူတွေကို

အမေကနေ.စဉ်သတိရနေသတဲ့

အဲဒီ….ချိနဲ.နဲမြစ်တစ်စင်းကို

မြင်နေရတာ

ရင်နာလေခြင်းအမေရယ်။


ဘယ်လိုသားသမီးမျိုးနဲ.

ဘယ်လိုအမေမျိုးလဲ

ရင်အကွဲခံချစ်တဲ့အမေရယ်

တကယ်…..မတန်ဘူး။


အမေရေ

အဲဒီလိုလူစားတွေထဲမှာ

ကျွန်တော်လဲပါခဲ့ပါပြီ

ကြည်နူးဖွယ်တစ်ခဏတွေနဲ.

တစ်ဘ၀လုံးကိုလဲခဲ့မိ

ကျွန်တော်မလိမ္မာတာ

ကျွန်တော်သာ သိတယ်အမေ။


အရှုးတွေနွယ်လိုငင်ငြိ

ကိုယ့်ကိုကိုယ်ဘာကောင်မှန်းမသိတဲ့ကျွန်တော်

အမေ့ကိုသာအော်ခေါ်လိုက်ချင်

အမေ့ရင်မှာပြေးပုန်း

ကျွန်တော့သဘောက

လောကဓံကိုအမေန.ဲပဲရုန်းချင်တယ်။


အနှစ်သုံးဆယ်လေးဆယ်လုံးလုံး

အမေ့ဘ၀ကို တစ်ခါမှမမုန်းခဲ့ဘူးဖူးလား

ဆူးကြားမှာ ပွင့်ကားလာတဲ့ မေးခွန်းတစ်ခု

ဘယ်သူအတွက် မားမားမတ်မတ်

မြေကျန်တောင်တစ်လုံးလို

အမေအိုရပ်တည်ခဲ့ပါသလဲ။


ပေးဆပ်တတ်သူတို.နိဂုံး

ဒီလိုပဲအဆုံးသတ်မှာလား

ထားရှိခဲ့တဲ့မေတ္တာတွေ

ဘယ်သူတွေသတိရနေမှာလဲ။


အညတရ မျိုးစေ့လေးက

သစ်တောကြီးတစ်ခုလုံးကို ပေးခဲ့ပြီ

တွေးတတ်ရင်တွေးကြည့်ပါ

တစ်ကမ္ဘာလုံးကအမေတွေကို….ငါ

မြတ်နိုးဦးညွှတ်လိုက်ပါတယ်။


နောက်ထပ်အနှစ်လေးဆယ်ငါးဆယ်

ဘယ်သူမှသတိမရတော့မယ့်အမေ

ခြေရာတစ်ခုထက်ပိုတဲ့ကမ္ဗည်းမျိုး

ကျွန်တော့် ရင်ဘတ်မှာထိုးပါရစေ။


လက်ဖျားကသွေးစိမ်းထွက်အောင်

အမေ့အိပ်မက်ကို ဆက်ပျိုးမယ်

တကယ်ဆိုရင်

မိခင်ဖြစ်ခွင့်ရှိတဲ့သဘာဝကြောင့်

မိန်းမတွေကို ဦးခိုက်လို.ရခဲ့ပြီ။


ချောင်းဆိုးသံကပေးတဲ့တရားကို

ကြားတတ်အောင်ကြားရဦးမယ်

ဖယ်ရှားလို.မရတဲ့ သင်္ခါရအစား

တစ်ခဏထက်ပိုတဲ့ နိစ္စတရား

မြင်တတ်အောင်ကြိုးစားရမယ်။


အမေသင်ကြားပေးတဲ့ မေတ္တာတရား

ထားတတ်အောင်ကြိုးစားရင်း

လင်းပွင့်လာတဲ့ကောင်းကင်မှာ

အမေ့ကိုမြင်နေမယ်။


အမေရယ်

ဘယ်ရောဂါရဲ.အဆုံးအဖြတ်ကမှ

အမေ့ကိုအသေမသတ်နိုင်တော့ဘူး

ရင်ခွင်ရဲ.အဦးဆုံးမှာ

အလှဆုံး အကျန်းမာဆုံးအမေ

ကမ္ဘာချဉ်းအောင် နေခဲ့ပြီ။


မျက်ရည်တွေစိုဝင်းလဲ့ပြာ

ရင်ထဲကအနာကိုကြိတ်မှိတ်မြိုရ

ဖြေသိမ့်စရာနဲ.

သက်ပြင်းအပြာကို

တိတ်…တ…ဆိတ်…ချ….လိုက်….ရ…ပါ….တယ်…အမေ။ ။

ဝန်ခံခြင်း

သူမျက်ဝန်းလေးထဲ ရဲရဲကြည့်
ဖွဖွလေးပြောလိုက်
ချစ်တယ် လို.
ကဲ………ဘာခက်လဲ
ကြောက်တယ်ကလေးရယ်။

သူ.က ကိုယ့်အနာဂတ် ကဗျာလေးပါ
မရေးရသေးပဲနဲ.တောင်
ဝေေ၀၀ါးဝါးလေး လှလို.
တကယ်ပါ
ဓာတ်ပုံလေးထဲမှာတောင်မှ
ထိတ်ကနဲ ဖြစ်သွားအောင် လှတယ်။

လမင်းကြီးကို အောင်သွယ်မခိုင်းတော့ပါဘူး
ယောက်ျားတစ်ယောက် ဖြစ်ရတဲ့အရသာက
ရှက်ပါးပြင်မို.လေးကိုကြည့်
ချစ်တယ် လို.ပြောခွင့်ရတဲ့အချိန်လေးပါ
ဒီဘ၀မှာ ဒီတစ်ကြိမ်ပဲ ကြုံတဲ့ အခွင့်
ကိုယ်လက်လွတ် မခံချင်ဘူး။

သစ်အိုပင်မှာလည်း
ပန်း တွေပွင့်ပြချင်ပါတယ်
ရီနေမှာလားကလေးလေး
ကိုယ်ပြောလိုက်လို.
မင်းမျက်လုံးလေးအရောင်ပြောင်းသွားရင်
ကိုယ် ကြည့်လိုက်လို.
မင်းနှုတ်ခမ်းလေးတွေတင်းမာသွားရင်
ကိုယ်သေရပါလိမ့်မယ် ကောင်မလေးရေ
သြော်
ငါ့ နှုတ်ခမ်းလေးရေ ...........ငြိမ်ငြိမ်နေ။

ကတ္တီပါ လက်ဖ၀ါးနုနုကို
သစ်ခုတ်သမားလက်ကြမ်းကြမ်းနဲ.
လာပါလှမ်းခေါ်သင့်သလား
စဉ်းစားရင်းအားငယ်ရတော့
မျက်နှာချင်းဆိုင်မိရုံနဲ.တောင်
သူ.အကြည့်လေးကိုပုန်းရတယ်။




မင်းပါးပြင်လေးမှာ
ငါ့အကြည့်လေး ဆိုက်ကပ်ချင်တယ်
ငါး စက္ကန်.လောက် မျက်စောင်းလေးဖယ်ထားနော်
မရွံ.မရဲ ကိုယ့်မျက်လုံးကို
ရှက်ပါးပြင်လေးမတားနဲ.။

သူ. အရိုးခံ အပြုံးလေးကြောင့်
ကိုယ် ဘယ်လောက်ထိ သိမ်ငယ်ခဲ့ရကြောင်း
တစ်နေ.နေ.မှာပြောပြမယ်
အခုတော့
သူ.နာမည်လေးဘေးမှာ
မီးစိမ်းလေးလင်းလာမှာကိုစောင့်ရင်း
ကိုယ်ဟာ သစ်ငုတ်ဖြစ်ခဲ့ပြီ။

လူမသိ သူမသိ ငါ့ကဗျာက
ဘယ်တော့မှ လူသိ သူသိဖြစ်လာမှာလဲ
လူသိတာထက်
သူသိမှာ ကြောက်လှတယ်။



ကိုယ်က
အမဲရိုးများဖြစ်သွားမလား
ရွှေခွက်လေးရေ
ကိုယ့်လက် ကိုဖြင့် ခွင့်ပြုလိုက်ပါလား
မတားတာတောင် မ၀င်ရဲသူမို.ပါ။

မင်း ခေါင်းဖြီးတုန်း
ကျွတ်လာတဲ့ ဆံပင်လေးတွေ ကို တောင်းရင်
မင်းရိပ်မိမှာလား
ရည်းစားမရှိပါဘူးနော်လို.
တစ်နေ. သုံးခေါက်လောက် မေးရင်
ကိုယ့်စိတ်ကိုသိမှာလား
နင့်ကို ချစ်ကြောင်းပြောဖို.
ဘယ်နည်းအကောင်းဆုံးလဲလို.
မေးလိုက်ရင် ဘယ့်နှယ့်လဲ။

စာရေးပေးရင်
ကလေးဆန်သွားမလား
ငါက အူကြောင်ကြားပါဟယ်
ငါ့ကို အပြုံးလေးနဲ.ကယ်ပါ
ဘယ်လိုလုပ်ရပါ့ ညီမလေးရယ်။
ကိုယ်ပြောပြမယ့် စိတ်ကူးတွေ
ပန်းပွင့်လေးထဲထည့်လို.ရရင်ကောင်းမှာ
ရနံ.လေးက ပြောရင် သူနားလည်သွားမှာပါ
စံပယ်ဖူးလေးရယ် ကူညီပါ။

နင် ယုံမှာမဟုတ်ပါဘူးလေ
ဝါးပိုးပေါက်ထဲ
လရောင်လေး ၀င်ခဲ့ပါလား
သိုဝှက်ထားတဲ့ မြေပုံလေးမှာ
ရတနာတွေ ယူသူမဲ့လွန်းတယ်။

ကိုယ့်အရုပ်လေးတွေ နားငြီးပြီ တဲ့
ရေလောင်းတိုင်း ပြောမိတဲ့ သစ်ပင်လေးက
ပုတီးထဲ ထည့်စိတ်ပါလားတဲ့
မင်းနာမည်ပေးထားတဲ့
ကောင်းကင်က ကြယ်လေးက ပြုံးနေတယ်
သူလည်း
ညတိုင်းကိုယ်ကြည့်လို. ရှက်တတ်နေပေါ့။



အတိတ်က ပူရေးဝန်တွေ
မင်းနဲ.မှပျောက်ခဲ့ပြီ
အဲဒီ အကြည့် သမားတော်မလေးရေ
ခြေကြွခ အဖြစ် ကိုယ့်ဘ၀လေးကိုယူပါ။

တစ်ခါတစ်ခါ အားငယ်မှုတွေနဲ.
ခြေလှမ်းတွေ တွန်.ဆုတ်ရတယ်
သူက
မိုးလင်းရင်ပွင့်တော့မယ့် ပန်းပွင့်ငယ်
ကိုယ်က
မိုးလင်းရင်ပျောက်ကွယ်မယ့် သောကြာကြယ်
ဘယ်လို ဆုံဆည်းခွင့်ရှိမှာလဲ။

မြိုသိပ်ထားရတဲ့ အချစ်က
လေးညို.မှာ တင်ထားတဲ့မြားတစ်စင်းလို
ပစ်လွှတ်လိုက်မှ တင်းအားလျော့သွားတယ်
ကိုယ့်ရဲ. တိတ်တခိုးမျက်လုံးတွေ
ဘယ်နေ.မှတရားဝင်မှာလဲ။



ကြယ်စင်တို.ရဲ.နတ်သမီးလေးကို
အဖူးမျှော် ထွက်ခဲ့သူ
ပုလဲလည်းမဖြစ် ရွဲလည်းမဖြစ်လို.
မငိုရဲ မရီရဲပါ သခင်မ
ဦးညွှတ် ခစားခွင့်လေးသာ ပေးသနားပါ။

သိမ်းထားတဲ့ စကားတွေလည်းရက်လွန်တော့မယ်
နှလုံးသားက ထပ်မစောင့်ချင်တော့ဘူး တဲ့
အရှိန် ယူလွန်းတဲ့ ကိုယ့်နှုတ်ခမ်းကို
သူက စိတ်တိုနေပြီလေ
ခဏလေးပါ
သူ.နားရွက်လေး ရှက်သွားလေမလားလို.
ကိုယ့် မျက်လုံးတွေနဲ. တိုင်ပင်ချင်သေးလို.ပါ။

စကားက ကျွံတတ်တာမျိုးဆိုတော့
ဘယ်အမှားမျိုးကို အဓိပ္ပါယ်ကောက်လွဲမှာလဲ
လက်သီးလေးဆုတ်ပြလည်း
ငါ့ရဲ.ငတုံးမလေးက “အမရာ”လိုတွေးမှာမဟုတ်ဘူး
ဖြစ်နိုင်ရင်တော့
စံပယ်ပွင့်လေးကို ပါးအပ်ပြချင်တယ်
ကလေးသိပါလေ။
ပုလဲလုံးလေးမသိဖူးတဲ့
ဖြူစင်ခြင်းတွေရှိတဲ့သူ
ပန်းပွင့်ဖတ်လေးမသိဖူးတဲ့
နူးညံ့ခြင်းတွေရှိတဲ့သူ
မီးသွေးမျက်နှာ ကျားလျှာလက်နဲ.ကိုယ်က
ပန်ဆင်ဖို.သင့်ရဲ.လား
အားငယ်လွန်းရပါတယ်။

မိုးစက်တွေကို မြိုသိပ်ထားတဲ့တိမ်တွေလို
ရွာချလိုက်မှ ပေါ့ပါးသွားမယ်
သူ အေးမြငြိမ်းချမ်းစေဖို.ပါ
တွေ.ပါသလား
ပေါက္ခရ၀ဿ တိမ်တိုက်တွေ။

အခုအချိန်တော့
သူမျက်ဝန်းလေးထဲ တိတ်တခိုးကြည့်
ဖွဖွလေးပြောလိုက်တယ်
ချစ်တယ် လို.
စိတ်ကူးလေးနဲ.ပါကလေးရယ်။ ။

ဝှက်ထားတဲ့တိမ်-၂

“ပြောပြလို. မယုံမှာစာရင်
မပြောဖြစ်တာ ပိုကောင်းမယ် ” ထင်လို.
ငါရေတွက်ထားခဲ့တဲ့ အိပ်မက်တွေရယ်
ငါရေတွက်လို. မနိုင်တော့တဲ့ အလွမ်းတွေရယ်
စိတ်ကူးထဲမှာစပ်ဖြစ်တဲ့ ကဗျာတွေရယ်
မင်းပေးထားတဲ့ စာအုပ်လေးထဲမှာ
မှတ်ထားဖို. ကြိုးစားသေးတယ်
နောက်တော့လည်း မမှတ်ဖြစ်တော့ပါဘူး
“ဘာထူးမှာလည်းလေ”ပေါ့။

ပြောပြဖွဲ.နွဲ.တဲ့ အချစ်ဟာ
ကြည်နူးစရာပါ
ဒါပေမယ့်
ပြောမပြတတ်တဲ့ အချစ်မျိုးလည်း
တကယ်ပဲရှိတတ်ပါတယ်
င့ါဘယ်ဘက်လက်ဖ၀ါးလေးထဲမှာ
ဝှတ်ထားတဲ့အချစ်
အပြစ်မဆိုဘူးတဲ့ င့ါနှုတ်ခမ်းဖျားမှာ
သိမ်းထားတဲ့ စကားထာ
နားလည်ပါရဲ.လား ချစ်သူ။

ကလေးရယ်
အချစ်ဆိုတာ စကားလုံးတွေမှမဟုတ်ပဲ
ရှင်းပြဖို.မှမလွယ်ပဲ
တွေးကြည့်ဖို.မလိုဘူး
နားလည်ဖို.မလိုဘူး
“ ခံစားတတ်ဖို.လေးပါ ”
စိတ်ကိုစိတ်ချင်း လှမ်းကြည့်ရတာမျိုး
အချစ်ကို အချစ်ချင်း ဆက်သွယ်ရတာမျိုးပဲဟာ
တကယ်တော့
မခက်လှပါဘူး။

ငါလေ
အချစ်ကို စာမဖွဲ.တတ်ခဲ့ပါဘူး
ကတိတွေ အများကြီးပေးမယ့်အစား
တစ်ချက်သာ ပြုံးပြလိုက်ချင်တယ်
အောက်မေ့ကြောင်းတွေပြောမယ့်အစား
တနင့်သက်သက်သာ ငေးကြည့်လိုက်ချင်တယ်။

လှပတဲ့ သီချင်းလေးကို
သိမ်းထားတဲ့စောင်းကြိုးလေးလို
ငါ တင်းဖြောင့်ခဲ့ရတယ်
နူးညံ့တဲ့ ပင်ပျိုလေးကို
ဝှက်ထားတဲ့ သစ်စေ့ခွံလေးလို
ငါ………မာကျောခဲ့ရတယ်။

အေးစက်တယ်…..လို.ထင်ရင်လည်း
ငါ ကြေကြေကွဲကွဲ လက်ခံပါ့မယ်
တကယ်ဆို
မင်းရှူထုတ်လိုက်တဲ့ ထွက်သက်ငွေ.လေးကအစ
ငါက သိမ်းထားချင်တယ်ဆိုတာ
မင်းမှမသိပဲ။

သြော်……….ငါလည်း
သာမန်လူတွေလိုပါပဲ
ကြည်နူးပျော်မွေ.ချင်တာပေါ့
ဒါပေမယ့်
ပြုံးပြရင် အစွယ်ထုတ်တယ် ထင်မှာစိုးတယ်
ဖက်ထားရင် ချုပ်နှောင်တယ် ထင်မှာစိုးတယ်
မြတ်နိုးမှုကိုအထင်လွဲရင်
ရင်ကွဲရမယ့် အဖြစ်ကြောင့်
အချစ်ကို “လက်လီ ” သုံးခဲ့ရတယ်။

ဘယ်သူတွေ ဘယ်လိုချစ်ကြပါသလဲ
အချစ်ဟာ ပြိုင်ပွဲမှမဟုတ်တာ
သူ.အတိုင်းအထွာနဲ. သူ.ချစ်ခြင်း
(စဉ်းစားကြည့်စမ်း )
ဆင်တစ်လှမ်း ကျားတစ်ခုန် ယုန်တစ်ပြေး
တကယ်ဆို ဒီအကွာအဝေးပါပဲ။

တဒင်္ဂ သာယာမှုထက်
တစ်သက်တာအတွက်မျှော်ရည်
တည်ကြည်စွာစောင့်ရှောက်ခြင်း
မင်း မလိုချင်တော့ဘူးလား။

ရင်ခုန် စိတ်လှုပ်ရှားခြင်းကိုပဲ
အချစ်လို.ခေါ်မှာလား
ချမ်းမြေ့သိမ်မွေ.မှု
လုံခြုံနွေးထွေးမှုတို.အား
မင်း……..မေ့မထားလိုက်ပါနဲ.။

စကားလုံး အနုအလှလေးတွေထက်ပိုပြီး
နက်ရှိုင်းမြင့်မြတ်တဲ့ ချစ်ခြင်းတရား
မင်းအပေါ်မှာ ငါထားကြောင်း
ညီမလေး နားလည်နိုင်ပါစေ။

မင်းပါးပြင်လေးကို
လက်ဖျားနဲ.ပွတ်သပ်ရင်း
မင်းလက်ဖမိုးလေးကို
စိတ်ကူးနဲ. ပါးအပ်ရင်း
ဘာရယ်လို. မသိပဲ
ဝဲတက်လာဘူးသော မျက်ရည်ငွေ.များ
ခံစားချက်ဟာ အတုလုပ်လို.မှမရတာကွယ်။

ညီမလေးရေ
အဖိုးသိပ်ထိုက်တဲ့ ရတနာတစ်ပါးဆိုရင်
သော့အထပ်ထပ်ခတ်ပြီး
လုံခြုံရာမှာ ၀ှက်ထားရတယ်
ဘယ်သူ.ကိုမှ “ တပြပြ ” မလုပ်ရဘူး
ငါ့ရင်ခွင်ကိုလည်း
“ ထိုကဲ့သို. ” လို.ပဲနားလည်ပါ။

ဘယ်သူမှမသိအောင်
မင်းပါးပြင်လေးပေါ်မှာလည်း
ငါ့သစ္စာတရားကို
ထိန်းသိမ်းထားနိုင်တာပါပဲ။

တစ်နေ.နေ. …………
သစ္စာတရားမှာ
စံပယ်ဖြူများ ဖူးပွင့်လာချိန်
ရေလွှာပေါ်ရေးသော ငါ့ကဗျာကို
တိမ်တွေကပြောပြကြတဲ့အခါ
ချစ်သူပျော်ဖို.
တိတ်ဆိတ်စွာ အရှုံးပေးခဲ့သူတစ်ယောက်ကို
မင်းသတိရပါလိမ့်မယ် ကလေးရယ်။ ။

ဇာတ်တော်သစ်

အနှေးပြကွက်ကို ပြန်ကြည့်မှ
ငါ ခံလိုက်ရပုံက ပက်ပက်စက်စက်
ဒါတောင် သူ “ အနီကတ် ” မထိဘူး။

လှည့်စားခြင်းဟာ လေပြည်ပါပဲ
အေးမြတယ် ညင်သာတယ်
အကောင်အထည် မရှိဘူး
ဒါပေမယ့်
တည်ငြိမ်မှုကို ပျက်စေတယ်။

ဘယ်တုန်းက ဆုံးရှုံးသွားတာလဲ လို.ပြောပြဖို.
ဘယ်တုန်းက ရရှိခဲ့တာလဲ လို. မေးလာမလား
ငါ………ရှက်မိတယ်။

ဆဒ္ဒန်ဆင်မင်း မဟုတ်တော့
သည်းခံ ခွင့်လွှတ်ရတာလည်း
အောင့်သက်သက် နိုင်လွန်းခဲ့တယ်
ဒီဇာတ်တော်ကို ပြန်ပြင်ကြစို.
မင်းလည်း နောင်တ မရချင်နဲ.
ငါလည်း မြားမမှန်ချင်ဘူး။ ။

အရှုံးချစ်သူ၏ စကားများ

အကြောင်းကြောင်းသော အကြောင်းကြောင်းတွေကြောင့်ပဲ
အမျိုးမျိူးသော အမျိူးတွေ ဖြစ်ခဲ့တယ်
ဘယ်တတ်နိုင်ပါ့မလဲလေ။

ချစ်ခြင်းမေတ္တာဟာလည်း
အနိစ္စတရားမှာ အလုံးအရင်းပါတာပဲ
ဟောဒီလှိုင်းတွေက
တစ်ချိန်မှာ ငြိမ်သက်ရဦးမယ်
အခုတော့
ငါကိုက်မိတဲ့ ငါ့နှုတ်ခမ်းဟာ
သွေးစို.နေဆဲပါ။

မေးပါရစေ
ချစ်သူက အထင်သေးတာလောက်
ရင်နာစရာကောင်းတာ
လောကမှာ ဘာရှိပါသလဲ
မင်းခိုင်းသလို ခေါင်းမဖြီးတတ်တာနဲ.ပဲ
လူညံ့ဘ၀မှာ
ငါ…………ခြောက်လကြာခဲ့ပေါ့။

မေတ္တာတရားဟာ ချိန်ခွင်ပါပဲ
နှစ်ဖက်အလေးချိန်တူဖို.လိုတယ်
တစ်ယောက်ယောက်က လိုရင်ဖြစ်ဖြစ်
တစ်ယောက်ယောက်က ပိုရင်ဖြစ်ဖြစ်
တစ်ဖက်စောင်းနင်းဝေးကွာမှုဟာ
နှစ်ဆ တက်လာလိမ့်မယ်။

ငါနာကျင်ဖူးသလို မင်းနာကျင်ဖူးမယ်
မင်းနာကျင်ဖူးသလို ငါနာကျင်ဖူးမယ်
မင်းနာကျင်မှုကိုပဲ တွက်ပြီး
ငါ့ဘက်ကို မစဉ်းစားရင်
ချစ်သူတို.ယဉ်ကျေးမှုဟာ
ဟန်ချက်ပျက်သွား နိုင်တယ်။

ဟိုး……တစ်ချိန်ကိုပြန်ကြည့်လိုက်တော့
ငါစောင့်စည်းခဲ့တယ်
ငါထိန်းသိမ်းခဲ့တယ်
ငါ့အပေါ်ကျ
မစောင့်စည်းကြပါတကား
မထိန်းသိမ်းကြပါတကား
ပျက်ကွက်ခြဲ့ကပါတကား
ဘယ်သူချခဲ့မှန်း မသိတဲ့ ကျိန်စာက
ငါ့အပေါ်ရှိတုန်းပါပဲလား
ရင်နာစရာပါပဲလေ။

ငါပေးဆပ်ခဲ့တဲ့ နည်းနည်းပါးပါးလေးတွေထဲမှာ
ချစ်ခြင်းတရားနဲ. မတို.ထိတာ ပါဝင်ခဲ့ဘူးသလား
အစုန်အဆန်စဉ်းစားကြည့်ပါ
င့ါ သိက္ခာတရားတို.ကို
င့ါကိုယ်ငါ လျော့စေမယ်လို.
မင်း……….
ထင်ရက်ပါသလား။

ယူသလောက်ပြန်ပေးရမယ်လို. ငါမပြောလို.များ
ပေးသလောက် မေတ္တာကို မတင်းတိမ်တာလား
ငါလည်း ဒီတစ်ယောက်ကျမှ
ရှိစုမဲ့စု “ ပုံအော ” ခဲ့မိတယ်
ဒါအကုန်ပဲလို.
ငါဘယ်လိုပြောရမှာလဲ။

ငါ့ထက်မြက်မှုကိုမှ
မင်းကချောမွေ.စေချင်ခဲ့တော့
င့ါငြိမ်းအေးရာဇရပ်ကိုမှ
မင်းက တိုက်ယူချင်ခဲ့တော့
မင်းတစ်ခွန်း ငါတစ်ခွန်းမှာပဲ
ငါတို.ကျောချင်းကပ် လွဲခဲ့တယ်။

နင့်အလင်းနဲ. ငါ့ကမ္ဘာကြား
ဘယ်လို အရာဝတ္ထုတွေ ၀င်ရောက်ခြားနားလို.
အရိပ်မည်း အရိပ်ကွက်တွေနဲ.
နင် “ နေကြတ် ” သွားခဲ့ပါလိမ့်
နင်နှစ်သိမ့်မှာ ကို လိုချင်တာလည်း
စိတ်ကူးယဉ်မှုတစ်ခုပါပဲဆိုတာ
အခုအချိန်မှာ ……… ငါ
အလူးအလိမ့် နားလည်ခဲ့ပါပြီ။

ဘယ်လို ကာလမျိုးအထိ
ငါ့မှာနာနာကျင်ကျင် ရှိနေရမှာလဲ
မင်းစကားကို ငါ
ခေါင်းငုံ. နာခံခဲ့တယ်
ငါ့စကားကိုတော့နင်
အရွဲ.တိုက် ဆန်.ကျင်ခဲ့တယ်
ငါတောင်းဆိုတဲ့ တစ်ခွန်းနှစ်ခွန်းကိုတောင်
မင်းက ခြွင်းချက်တွေလိုချင်နေမှတော့
ငါ………ဘာများပြောရဦးမှာလဲ။

အချစ်မှာ သံသယလေးလိုတယ်
မင်း ကျင့်သုံးဖူးရဲ.နဲ.များ
အချစ်မှာ သ၀န်တိုမှုလေးလိုတယ်
မင်း စိတ်ညစ် ဖူးရဲ.နဲ.များ
အချစ်မှာ အနိုင်ယူမှုလေးလိုတယ်
မင်း တစ်ချက်တည်း ပိုင်းဖူးရဲ.နဲ.များ
ငါ့ဘက်ကိုကျတော့
မင်း တစ်ပြားမှခွာမပေး ခဲ့ပါတကား။

ငါ့ အုပ်မိုးစောင့်ရှောက်မှုကိုမှ
လောင်းရိပ်လို. မင်းထင်ရက်ရင်
ဒီထက် ပိုချင်တဲ့မြတ်နိုးခြင်းကို
မင်း………
အကျဉ်းထောင်လို. ထင်တော့မှာပေါ့။

အပြန်အလှန်ရယ် ဖြစ်လာရင်
အနည်းအများဆိုတာ ဖြစ်လာမှာပဲ
ဒီလိုသာ တွက်ချက်နေကြရင်
မေတ္တာဟာ ဈေးကွက်ဆန်သွားလိမ့်မယ်။

နင်နာကျင်နေရင်
( အောင်မြင်တာ မအောင်မြင်တာ ခဏထားလို. )
နှစ်သိမ့်ဖို. ငါကြိုးစားခဲ့တယ်
ငါ နာကျင်နေရင်
မြင်တတ်အောင် နင်မကြည့်ဘူး
ငါတော့
ထုတ်ချင်းခတ် ဆူး…………စူးခဲ့ပြီ။

ငါ မင်းကို မခွဲနိုင်မှန်းသိတော့
မင်းငါ့ကို လက်ဖျားလေးပေါ် တင်လှည့်တော့မယ်
ပေါ့ပေါ့ဆဆ နှစ်သိမ့်မှုတွေဟာ
ငါ့ကို ပိုစိတ်နာစေတယ်
ဒါပေမယ့် ငါကျေနပ်ရမှာပါ
ငါက ချစ်မိသူကိုး။

“ ဒီလို မပြောပါနဲ. ” လို. မင်းပြောလိမ့်မယ်
တကယ်တော့
ငါ့စကားကို နာကျင်လို.မဟုတ်ဘူး
နင်………နားငြီးလို.ပဲဖြစ်မှာပါ။

ကလေးဆန်ဆန် နင်ပြုံးလိုက်ရင်
နင့်ကို အပြစ်တင်ချင်တဲ့ စကားတွေ
ငါ့ကိုယ်ငါ ပြောမိသွားခဲ့
ငါထင်ထားတဲ့ နင့်အမှားတွေဟာ
ငါ့ အမှားတွေ လုံးလုံးဖြစ်ခဲ့
အပြစ်တင်ရင်း အပြစ်တင်ရင်း
နင့်ကိုငါ တောင်းပန်မိရက်သား ဖြစ်ခဲ့
ချစ်မိတဲ့သူ ဆိုတာမျိုးက
နှစ်ထပ်တိုးနဲ. ရှုံးတယ်။

မင်း တားမြစ်ထားတဲ့ ကွမ်းယာ
မင်းမသိအောင် ငါစားခဲ့ပါပြီ
နှုတ်ခမ်းကို တင်းတင်းစေ့ပြီး ဖိဝါးလိုက်တာ
အဲဒါ………တိုးတိုးလေး အံကြိတ်လိုက်တာပေါ့
ငါလေ…………
မင်းကို သိပ်ချစ်တာနဲ.ပဲ
ကွမ်းယာထဲမှာပဲ ဒေါသကို ဖောက်ခွဲနိုင်ခဲ့တယ်။

“ ငါ သူ.ကို မေ့နိုင်ပါ့မလား ”
စိတ်ကူးလေးနဲ. ခဏခဏ တွေးကြည့်တယ်
အဲဒါကိုက သတိရဖို.ဖြစ်ခဲ့ပြီ
ငဲ့ကွက်စရာတွေကို မငဲ့ကွက်ရင်တောင်မှ
နင့်ကိုငါ မေ့လို.မရတော့ပါဘူး။

မင်းစိတ်ချမ်းသာဖို.အတွက်
မဲ့ရမယ့် အချိန်မှာ ငါပြုံးခဲ့တယ်
စိတ်ဆိုးရမယ့် အချိန်မှာ ငါကြင်နာခဲ့တယ်
မာနတင်းရမယ့်အချိန်မှာ ငါ အလံ“ဖြူ” ခဲ့တယ်
သြော်………ငါဟာ
လူပေါလူကြောင် ဖြစ်ခဲ့ပြီပေါ့လေ
အခုတော့ ဒါတွေအားလုံးဟာ
င့ါအခန်းဝှက်လေးထဲမှာ
ယမ်းတွေလို အောင်းနေတယ်။

မင်းရဲ.တစ်ဖက်သတ် မဲ့ပြုံးကို
သေလောက်အောင် စိတ်နာတယ်
ငါ့အလုံးစုံ မြတ်နိုးမှုဟာ
မင်းအတွက်မလုံလောက်ရင်တောင်
စော်ကားစရာ အကြောင်းမရှိဘူး။

ငါက
မင်းပေးတဲ့ အမာရွတ်တွေကို အလှဆင်ခဲ့
မင်းက
ငါပေးတဲ့ မြတ်နိုးခြင်းတွေကို
ခြေသုတ်ခဲ့
မင်းရဲ.
ပစ်ပစ်ခါခါ အကြည့်မှာ
ငါ့ငယ်ထိပ်ကို မြွေပေါက်ခဲ့
နည်းနည်းတော့ ငဲ့ကွက်သင့်ပါတယ်။

လဆန်းရက်မို.လို.
လဆုတ်ကို ထည့်မတွက်တာလား
တောင်တက်ခရီးမို.လို.
တောင်ဆင်းကို မစဉ်းစားတာလား
ရောက်ချင်ရောက်လာနိုင်တဲ့ တချိန်ချိန်ကို
ငါ့လိုများ
မင်း……..ကြိုမမောခဲ့ဘူးလား။

ငါပဲသိတဲ့ ငါ့အရှုံးကို
( နှစ်ချို.ပြီး )
စံပယ်လို သီကုံးခဲ့ပြီ
မင်းအပြုံး တစ်ဝက်မှာပဲ
ငါ့မာနတွေ ပြိုလဲခဲ့ပြီ။

တစ်ကွက်ချန် မင်းအချစ်ကြောင့်
ပစ်ရမှာလည်း ခက်ခဲ့ပြီ
ငါ့စိတ်ရဲ. အခြားသောဘက်က အတွင်းကြေဒဏ်ရာ
ငါ့ဘာသာ ကြိတ်ကုစားတော့မယ်
ငါ ကွယ်ဝှက်ထားတာ နာကျင်မှု
နင် ကွယ်ဝှက်ထားတာ ဘာလဲ
မင်းမပြောပဲ ငါမသိချင်ဘူး
မ……သိ……ချင်……တော့…….ပါ…….ဘူး။

အကြောင်းကြောင်းသော အကြောင်းကြောင်းတွေမှာပဲ
အမျိုးမျိုးသော အမျိုးမျိုးတွေ ဖြစ်ခဲ့တယ်
ဘယ်………တတ်နိုင်ပါ့မလဲ
ကံကြမ္မာရယ်
ငါပြင်ဆင်ထားခဲ့တာ ကြာပါပြီ။ ။