ပီတိ

ဆည်းလည်းသံလေးက
လိမ်ညှစ်ခံထားရတဲ့ စိတ်ကို
တစ်ရစ်ချင်း ဖြည်ပေးခဲ့။

ခက်ခဲလှတဲ့ ပြေးတမ်းလိုက်တမ်းမှာ
ငါ တုန်ခါခဲ့တာ တိတ်ဆိတ်မှုနဲ.။

အမြင်အကြားတို. သုဉ်းဆိတ်ချိန်
နှာသီးဖျားမှာ တဲတဲလေး
“သတိ”
သူ.ကိုငါ မိပြီကော။ ။
(၂၀၀၂မှာရေးတာပါ။ချယ်ရီ မှာပါခဲ့ပါတယ်)

အငြိုး

မုန်းလိုက်……….

ကိုယ်လိုကောင်က ချစ်တယ်ဆိုတော့
မခံချိမခံသာ နာကျင်သွားမှာပေါ့။

ငါသိတယ်
အင်ကြင်းပန်းထဲ ခါချဉ်ပါသွားတာ
သူ……..ဒုတိယမြောက်။ ။

တစ်ခါက

ငါသိပ်ချစ်တာ
သိလိုက်ပါစ
မေးပါရစေ
ခဏဆုံသောအိမ်မက်၌။

အားလုံးလွန်ခဲ့
ပြီးဆုံးခဲ့ပြီ
သွားတဲ့သူအား
မတားလိုတော့။

ဟိုဝေးဝေးမှာ
တိမ်ပြာတစ်စ
မျောလွင့်မှလျှင်
ငါ့ဘ၀ငါ တွေးမိသည်။

ချန်ခဲ့သူလား
ကျန်ခဲ့သူလား
မစဉ်းစားချင်
တမင်မေ့သော
တရံရောကို။

မြတ်သောစိန္တေ
ဆုချွေတစ်စ
တောင်းလိုက်ရသည်
ငါ့ထက်ချစ်သူ ဖြစ်ပါစေ……။ ။
(၂၅.၁.၁၉၉၇ ပျင်းလို.အဟောင်းလေးတွေပြန်စုနေတာပါ
မကြိုက်လည်းသည်းခံဖတ်ပါ)

ကျွန်း

ပင်လယ်ဆိုတာ
ပက်လက်ကြီးဖြစ်နေတဲ့ကောင်းကင်ပါ
တကိုယ်စာ ရင်ခုန်သံလေးနဲ.
ငါ့ကိုယ်ငါ “ကျွန်း” တည်မယ်။

သစ်ပင်လေးတစ်ပင်စိုက်ရဦးမယ်
ပြီးမှ
ငါ့နံရိုးနှစ်ချောင်းကို ထုတ်ယူ
တစ်ချောင်းကို ဘုရားသခင်ထံအပ်
ကျန်တစ်ချောင်းမှာ
“ဧဒင်ဥယျာဉ်” လို. ကမ္ဗည်းတပ်မယ်။ ။

အချစ်အတွက် လျောက်လဲချက်

အချစ်က ဘ၀တစ်ခုလုံးမဟုတ်ပါဘူးလို.
သူပြောခဲ့တာ
ဘယ်သူကငြင်းနေလို.လဲ။

ရှင်ကအချစ်ကိုပဲ စဉ်းစားနေတော့မှာလား
ဒီမေးခွန်းက အဖြေမရှိပါဘူးကွယ်။

သစ်ပင်လေးက
“ရေ၊လေ၊မြေ၊နေ” ရှိရင် ရှင်သန်နိုင်တယ်
နွယ်ပင်လေးကတော့
မှီတွယ်စရာလေးပါ ရှိမှ ဖြစ်မှာပါ။

သစ်ပင်ကြီးကို
လက်သည်းနဲ.ဆိပ်ရင်ဘာမှ မဖြစ်ဘူး
ပျိုးပင်ပေါက်လေးကျတော့
လက်သည်းလေးတစ်ချက်က ဘ၀ပျက်နိုင်လို.
လက်သည်းနီရောင်နှုတ်ခမ်းလေးကို
အသည်းအသန်တောင်းပန်နေတာ။ ။

ဝိပ္ပလ္လာသ မြူပြယ်ခြင်း

အရိပ်ကအရောင်
အရောင်က အတိတ်ဖြစ်
နစ်ခဲ့ရ ၀ိပ္ပလ္လာ…….

ဝေ့ရီရီ မှုန်မှုန်မှိုင်း
အရိုင်းရောင် ပျက်ပြယ်လွင့်ရန်
လင့်ခဲ့ရပါ…….

ကာလရဲ့ နေခြည်
ရွှေရည်ဖြာ ပုဝါဖွင့်တော့
မျှော်လင့်ရ အရိပ်ဟာ
ဘယ်ဆီမှာရှောင်ခွာရင်း……….

တရံရောလျှင် ပြန်မလာပါလား
ပြန်ပြောရင် ဒဏ်ရာများနဲ.
သံယောဇဉ် ကမ္ဘာခြားမှာ
(ငယ်ရေ….)
ထားခဲ့လေခြင်း။ ။
(၆.၁.၁၉၉၇ ကကဗျာလေး အမှတ်တရ ပြန်တင်တာပါ)

မျှော်စင်

မြင့်မြင့်တက်မှ ဝေးဝေးမြင်ရတာမျိုးလား
သူ.ရင်ခွင်ထဲ ဝေးဝေးလှမ်းမြင်ချင်လို.
ငါ့အရိုးတွေနဲ. တိုင်ထူခဲ့တယ်။

တစ်ယောက်ကိုတစ်ယောက် ပွေ.ဖက်ခဲ့ကြတာ
တစ်ယောက်ကိုတစ်ယောက် လိမ်ညာဖို.လား
အဲဒီလို လိုအပ်လို.လား
အဲဒီလို မလိုအပ်လို.လား
မေးခွန်းကေ၀၀ါးရင်
အဖြေကလည်းေ၀၀ါးခွင့်ရှိတယ်။

မျော်စင်တစ်ခု ဆောက်ခဲ့တယ်
လာသူကို ကြိုဆို မျော်ကြည့်ဖို.မဟုတ်ဘူး
သွားသူကို နှုတ်ဆက် မျော်ကြည့်ဖို.ပါပဲ။ ။