ညကမှောင်တာမဟုတ်ဘူး
လောက ကမှောင်နေတာ
မြစ်ရေပြင်က လဲ့လဲ့လေးလင်းနေတယ်
မြစ်ကလင်းတာတော့မဟုတ်ဘူးပေါ့လေ
ဟိုးအမြင့်တစ်နေရာက
လင်းလက်မှုတစ်ခုခုရဲ.ရောင်ပြန်ပေါ့။
တလက်လက်လင်းနေတဲ့ကြယ်လေးတွေဆီကလား
ညနက်နက်ဆီက ရောင်နီဦးသန်းတာလား
ရင်တွင်းကပဲလင်းနေတာလား
မသိမှုတစ်ခုခုဆိုပေမယ့်
အလင်းတော့ရှိနေတာ သေချာပါတယ်။
ခရီးသည်တစ်ယောက်လာနေတယ်အနော်မာ
ဟိုး……..တစ်ဖက်ကမ်းကိုကူးဖို.ပေါ့
သူမသိတာ တစ်ခုခုရှာဖို.ပေါ့။
တိတ်ဆိတ်ခြင်းက
မြစ်တစ်ဖက်မှာဖြာကျနေတယ်
နောက်ကျောမှာ ပူလောင်သောဆီမီးတွေ
ပူလောင်သော သံယောဇဉ်တွေ
ကျန်ခဲ့ပြီ။
ထွက်ခွာသူ ဟာပြန်လာမှာပါ
အမှန်တရားတစ်ခုကိုပိုက်လို. ပြန်လာမှာ
အေးချမ်းမှုတစ်ခုကိုမျှဝေမှာပါ
တစ်ယောက်ယောက်ထက်
လောကကိုချစ်တာက ပိုမြင့်မြတ်တယ်မဟုတ်လား။
သောကဆင်းရဲဟာ တို.ကိုယ်တွင်းမှာဖန်ဆင်းတာ
အလှအပဟာတို.ကိုယ်တွင်းမှာဖန်ဆင်းတာ
တပ်မက်ခြင်းဟာလည်း တို.ကိုယ်တွင်းမှာဖန်ဆင်းတာ
အမှန်တရားကတော့ တို.ဖန်ဆင်းတာမဟုတ်ဘူး
တို.ကိုယ်တွင်းမှာရှိနေတာ။
ကြေကွဲခြင်းရဲ့ အစဟာ
ပျော်ရွှင်ခြင်းများဖြစ်နေခဲ့မလား
ဆုံးရှုံးခဲ့ရတာဟာ
ရယူမိခဲ့လို.များဖြစ်နေမလား
အဆုံးတစ်ခုဟာ
အစတစ်ခုကြောင့်ဆိုရင်
အဘယ်သို.သော အစကြောင့်
တို.ဘ၀တွေ ကြေကွဲရတာလဲ
အဘယ်သို.သော အစကြောင့်
တို.ဘ၀တွေ ပျော်ရွှင်ရတာလဲ
မင်းသိရင်ဖြေပါအနော်မာ။
ဘယ်လိုတရားတွေကြောင့်
တို.တတွေ သေဆုံးနေရတာလဲ
ဘယ်လိုတရားတွေကြောင့်
တို.တတွေ နာကျင်နေရတာလဲ
ဘယ်လိုတရားတွေကြောင့်
တို.တတွေ အိုမင်းကြရတာလဲ
ကြေကွဲဖွယ်အဆုံးသတ်တွေအတွက်
ပျော်ရွှင်မှုတွေစတင်ခဲ့ရတယ်ဆိုရင်
ဒီဘ၀ဒီဇာတ်လမ်းကိုမ“စ”ချင်တော့ဘူး။
ပန်းပွင့်လေးရဲ့ လှပမှုမှာ
ပျက်သုဉ်းခြင်းခိုအောင်းနေတယ်
ညနက်နက်မှာ မဖြူနိုင်တော့တဲ့တိမ်တွေ
အရိပ်အရောင်တွေကြောင့် ဖြစ်နေတဲ့လောက
တိမ်တွေနဲ.ဘာများကွာခြားပါသလဲ
ပြိုကွဲရမယ် ၊လေနှင်ရာရွေ.ရမယ်
ရွာကျရမယ်၊စုဖွဲ.ရမယ်
ဘ၀ဟာဒီလိုပဲ ဖြစ်နေရမှာလား။
ဆုံးရှုံးမှုတွေအတွက် ငိုကြွေးရခြင်းများ
မျက်ရည်တွေ သမုဒ္ဒရာထက်များနေမလား
မကြုံချင်လို.ရောရခဲ့ကြပါသလား
မျက်ရည်သုတ်သောလက်ထက်
မျက်ရည်မကျစေသောစိတ်ကိုပေးနိုင်သောသူဖြစ်လိုတယ်။
ငါတို.ရဲ့ အရိုးအကြောတွေတိုင်းဟာ
စက္ကန်.နဲ.အမျှပြိုကျနေတယ်
ဒုက္ခကို တို.မရွေးချယ်ခဲ့ကြပါဘူး
ဒုက္ခက တို.ကိုရွေးချယ်ခဲ့တယ်
အလုံးစုံသောတရားတွေ
ချစ်ခြင်းမုန်းခြင်းတွေ၊ လှပအကျည်းတန်ခြင်းတွေ
အောင်မြင်မှုဆုံးရှုံးမှုတွေ
အားလုံးအားလုံးကို
ပြိုကျပျက်စီးမှုလှိုင်းတွေက တိုက်ချသွားမှာပါ။
ဒါတွေကိုသိရဲ့နဲ.
တည်ဆောက်နေကြတဲ့မာန်မာနတွေ
တစ်ခဏသာယာမှုအတွက် တစ်ဘ၀လုံးနာကျင်ရခြင်းတွေ
တို.ရွေးချယ်ခဲ့တာမှန်ပါရဲ့လား။
စစ်သည်ဗိုလ်ပါတွေနဲ.စစ်ခင်းလို.မနိုင်တဲ့မင်းတစ်ပါး
လျှို.၀ှက်စွာစောင့်စားနေတယ်
အဝေးဆီကမျောက်မင်းအူသံသဲ့သဲ့ကြားလား
တို.အချိန်သတ်မှတ်လို.မရတဲ့တိုက်ပွဲမှာ
ရှုံးမှာလည်းသေချာတယ်
တို.ရဲ့ ပျော်ရွှင်ခြင်းတွေကိုသူကျိတ်ပြုံးနေခဲ့တယ်။
တို.ကိုယ်တွင်းမှာစောင့်နေတဲ့တရားမင်းဟာ
ဘယ်အချိန်မှာတိုက်ခိုက်လာမှာလဲ
ငါတို.အားကောင်းလေ သူ.ရက်စက်မှုကပြင်းထန်လေပါ
တို.ကိုချည်ထားတဲ့သံယောဇဉ်တွေ
တို.မွေးမြူထားတဲ့ အတ္တစစ်သည်တွေအတွက်
သူကပိုပြီးတော့ တုံ.ပြန်တတ်တယ်။
“ရှင်သေမင်း
လူချင်းငယ်တဲ့မတူပါ”
ကြားလိုက်ပါစ
အဝေးဆီကညည်းညူသံတွေ
ခြောက်ခြားဖွယ် ငိုကြွေးသံတွေ
သွေးပျက်ဖွယ်ကာလအတွက်
ငါတို.ဘာသာ
အထပ်ထပ်စုထားခဲ့တဲ့နှောင်တွယ်ခြင်းတွေပါလား
ဒီမရဏတေးကိုထပ်မကြားချင်လည်းကြားနေရမှာပဲ။
တို.ကလည်းတို.ပါ
သေခြင်းကိုကြောက်တတ်တယ်
အချိန်မရွေးသေတတ်တာကိုမမြင်ကြဘူး
နာခြင်းကိုကြောက်တတ်တယ်
အမြဲနာကျင်နေရတဲ့ဘ၀ကိုမမြင်ကြဘူး
ခွဲခွာခြင်းကိုတားချင်တယ်
တားဆီးမရတာကိုမှလွန်ဆန်ချင်ကြတယ်
မိုးကြိုးကိုလက်ဖ၀ါးနဲ.ကာမိသလိုပါလား။
တို.လုပ်ရမှာက
သစ်သားတွေကိုမီးရှို.ဖို.မဟုတ်ပါဘူး
အိမ်ဆောက်တဲ့လက်သမားဆရာကို ရှာဖွေဖို.ပါ
ပျိုးပင်တွေကိုမြေလှန်ဖို.မလိုပါဘူး
စိုက်ပျိုးသူလယ်သမားကိုရှာဖို.ပါ
ဒီအိမ်ဒီလယ်ကိုမတွယ်တာမှပဲ
ဒီနေရာကငိုကြွေးခြင်းကိုလွန်နိုင်လိမ့်မယ်။
ကြောက်ရွံ.မှုတွေအဆုံးမှာ
ကြောက်ရွံ.ဖွယ်မရှိသောတစ်နေရာရှိရမယ်
ငိုကြွေးမှုတွေ နောက်မှာ
ငိုကြွေးခြင်းမှ လွန်မြောက်ရာရှိရမယ်
တုန်လှုပ်မှုတွေ အပြီးမှာ
တုန်လှုပ်ခြင်း ကင်းသောအရာကိုတွေ.ရမယ်
လူတစ်ယောက်
အရောက်လာနေပါပြီ အနော်မာ။
လေးနက်သော ညဟာလေးနက်သောအတွေးကိုပေးတယ်
အေးမြသောလေညှင်းဟာအေးမြသောစိတ်ကိုပေးတယ်
ခဏဆိုပေမယ့် တစ်ဘ၀ခြေလှမ်းတွေအတွက်အားဆေးဖြစ်တယ်
တွေ.ရှိမှုဟာရှာဖွေမှုရှိမှသာရောက်လာမယ်
ခလုပ်တိုက်မိတာဟာကျောက်တုံးပဲ
ပတ္တမြားကတော့ နက်ရှိုင်းစွာတူးဖေါ်မှရမယ်။
ကိုယ်တိုင်မျက်ရည်သိမ်းဖို.တင်မကဘူး
သူများမျက်ရည်သိမ်းဖယ်ပေးနိုင်သောကိုယ်ဖြစ်လိုတယ်
ကယ်တင်ခြင်းစစ်စစ်ဟာ နှစ်သိမ့်မှုတင်မကဘူး
ဟိုး အရင်းအမြစ်ကစပြီး အေးချမ်းစေနိုင်သူဖြစ်လိုတယ်။
ပူလောင်မှုများမှခွဲခွာ
ငြိမ်းအေးမှုများ၏ အစကိုရှာဖွေဖို.ရာ
လူတစ်ယောက် လာနေပြီအနော်မာ
ဟိုး……တစ်ဖက်ကမ်းကိုကူးတော့မယ်
အလင်းရှိရာ………………….
…………………………………………..
…………………………………………………….
………………………………………………………………..
(၂၄.၉.၂၀၁၀တွင်ကွယ်လွန်သွားသော အစ်မ ဒေါ်ချိုချိုသိန်းအားရည်စူးရေးဖွဲ.ပါသည်။)
