အမှန်ပြောရရင်
မိန်းမတွေဟာ ငါ့ရဲ့ထာဝရရန်သူပဲ။
အကြိမ်များစွာ မရိုးသားခဲ့ပေမယ့်
အကြိမ်များစွာလည်း ရိုးသားခဲ့ပါတယ်
ငါ့စိတ်နဲ.ပဲ ဆိုင်တဲ့ကိစ္စမှာ
နင်ကဘာကို ဘ၀င်မကျတာလဲကွယ်။
နောက်ဆုံးတော့လည်း
ရိုးသားခြင်းဆိုတဲ့ စကားလုံးကိုပဲ
တုတ်နှောင် ရိုက်နှက်စစ်ဆေးရတော့မယ်
တကယ်ဆို ရိုးသားခြင်းကဘာလဲ
မရိုးသားခြင်းကဘာလဲ
မင်း တကယ်ပဲ အမှန်ကိုသိပါသလား။
ပြောင်းလဲသွားတဲ့သဘောကို ဖုံးထားခြင်းက ရိုးသားခြင်းလား
အမှန်တရားအတိုင်းနေထိုင်ခြင်းကရိုးသားခြင်းလား
မင်းနည်းနည်းလေးတေ့ာ ခွဲခြားတွေးပါ
ခဏတာတို.ရဲ့ အစိတ်အပိုင်းတွေမှာ
ပြောင်းလဲမှုများစွာက
တရိပ်ရိပ်တဖြတ်ဖြတ်
တရစပ် တုန်ခါနေကြတယ်။
ပြောင်းလဲမှုအရှိတရားကို
မျက်ကွယ်အောင်ဇွတ်ပြုထားလို.
ငါရိုးသားပါတယ်လို. နင့်ကိုပြောရမှာလား
အမှန်တရားတစ်ခုဟာ
နင်သတိမပြုမိရင်တောင်မှ
သူ.သဘာဝအတိုင်း
အရိုင်းဆန်ဆန် ရုန်းကန်လှပနေမှာပဲလေ။
နင်ကိုတမြေ.မြေ.ငေးနေတဲ့ အချိန်
သူငယ်ချင်းနှလုံးအိမ်မှာ ဘယ်ရိုးသားမှုက ဘယ်ရာနှုန်း
ဘယ်မရိုးသားမှုက ဘယ်ရာနှုန်းဆိုတာမျိုး
ငါအချိုးချမကြည့်ဖူးပါဘူး
နင်ကလည်း ရိုးသားတဲ့ငါ မရိုးသားတဲ့ငါ
ဘယ်ငါနဲ.စကားဆိုတယ်ဆိုတာမျိုး
(ရိုးရိုးသားသားဖြေရင်)
စိတ်ထဲမှာ မြင်ခဲ့ဘူးလို.လား။
လူတစ်ယောက်မှာ အပိုင်းများစွာရှိလိမ့်မယ်
စိတ်တစ်ခုမှာ အစများစွာ ရှိနေမယ်
အလျားလိုက်ခဏတာများစွာမှာ
ဒေါင်လိုက် အတွေးစများစွာမှာ
ဘ၀ရဲ့ အကန်.များစွာမှာ
ခဏရဲ့ အတန်.များစွာမှာ
မတူတဲ့ သဘောတရားတွေပြည့်လျှံနေတယ်
သူငယ်ချင်းလေးသိပါသလား။
သူငယ်ချင်းအကြည့် သူငယ်ချင်းအပြုံးမှာ
ရှက်ရွ.ံခြင်းလေးဖုံးနေတာက
ငါ့ကိုယ်ငါ ဆုံးမရခက်အောင်လှလိုက်တာ
ဘ၀မှာ တခါလောက် မရိုးသားခြင်းရဲ့ အရသာ
မင်းကြုံဘူးစေချင်လိုက်တာလေ။
ငါတို.ဟာသူငယ်ချင်းတွေလေ
ငါတို.ဟာမောင်နှမတွေ လို.နင်ပြောပြောနေတော့
နင့်ကိုငါမရိုးသားဘူးလို. မစွတ်စွဲမိပါလား
မိုးကြိုးပစ်ရာကိုလက်ဖ၀ါးနဲ.ကာတာမဟုတ်ဘူး
မိုးကြိုးမပစ်ပဲနဲ. နင့်လက်ဖ၀ါးလေးကာတော့
နင့်ရင်ထဲကမိုးခြိမ်းသံကို ငါကြားရတယ်
နင်တကယ်ရိုးသားပါသလား။
သက်တံ့ကကောင်းကင်မှာရှိနေတာမဟုတ်ဘူးလေ
အခိုက်အတန်.ခဏလေးမှာ
မိုးလေးကလည်းရွာမှ
နေခြည်လေးလည်းဖြာမှ
ငါ့ရင်ထဲမှာ ကဗျာတွေရွာနေတာကို
နင့်မျက်ဝန်းလေးလင်းဖြာကြည့်မှ
သက်တံ့ရောင်စုံ “တစ်စုံတရာ” ကိုနင်တွေ.ရမှာ။
အခုတော့ နင်က တစ်ဘက်သတ်ပိတ်ပင်ကြည့်တွေနဲ.
ငါ့အသိကို ချုပ်ထိန်းနေတော့
ငါကိုငါပြန်စိမ်းပြီး
မပြောဖြစ်တဲ့စကားတွေပြန်သိမ်းနေရတာ
ငါ့ကိုယ်ငါ မုန်းလှပါပြီ။
ဒီအရပ်မှာဒီဇာတ်ပဲကနေကျလား
နင့် အပြုံးကို နဲနဲလေးရိုးသားပေးပါ
တကယ်တမ်းမရိုးသားတာဘယ်သူပါလဲ
အမှန်တရားနဲ. ခံစားချက်အတိုင်းနေထိုင်ခြင်း“စံ”နဲ.ဆိုရင်
နင်နည်းနည်းလေးမြင်စမ်းပါ။
သူငယ်ချင်းဘ၀ကို သေစာရှင်စာလေးပဲတတ်တာပါ
ပါမောက္ခချုပ်လောက်ကျွမ်းကျင်သူကို
စကားနာမထိုးထိုက်ပါဘူး
စကားနာကလည်း ရင်နာတာလောက်မဆိုးပါဘူး
နည်းနည်းလေးတော့ရူးတတ်တယ်
ဒါပေမယ့်
ရူးနေမှန်းလည်းသိတယ်။
အမှန်ပြောရရင်
မိန်းမတွေဟာ ငါ့ရဲ့ထာဝရရန်သူပဲ
ပြီးတော့ ခုထက်ထိလည်း
ရန်သူကို ငါချစ်နေတုန်းပဲ။ ။
No comments:
Post a Comment