အာဏာလွှမ်းမိုး၊ ဆင့်ကာကြိုးလျှင်

'သင်းတို. အကြံက သိသာလွန်းသကွယ်'

ဓည၀တီမြို.၀န် မဟာမင်းကြီးကျော်စွာ၏ မျက်နှာသည် မှုန်ရီတင်းမာနေသည်။ ကွပ်ပျစ် အောက်မြေပြင်ဝယ် ဒူးတုတ်ခစားနေသော ဗိုလ်မောင်အေးနှင့် မောင်တောတို. ခေါင်းပို၍ လျှိုးသွားသည်။ ဗိုလ်မောင်အေးမှ မရဲတရဲဖြင့်

'မင်းကြီး၊ ကျွန်တော်မျိုး……'

စကားမဆုံးမှီ မင်းကြီးမှ လက်ကာပြသည်။

'ငါသိတယ်။ မောင်မင်းတို.မှာအပြစ်မရှိ။ မင်းတို.ကို ရှင်မဖြူကျွန်း အစောင့်အဖြစ်ငါချထားခဲ့တယ်၊ ညအချိန်မှာ ကပ်လာတဲ့ စပါးလှေကို မင်းတို. သုံးကြိမ် အော်မေးခဲ့တယ်၊ မဖြေပဲ ဆက်ချဉ်းကပ်လာလို. သေနတ်ပစ်ဖောက်ဟန်.တားခဲ့တယ်။ သင်းတို. ခုခံလို. ဆားပြင်ရွာသား ဂေါင်ဆောက်ကေသေတယ်။ ဒီကိစ္စမှာ မင်းတို.အလွန်မရှိ။ ခက်တာက သင်းတို.က ကုလားဖြူတွေကို သွားရောက်တိုင်ခဲ့တယ်။ ကျန်တာ ရှင်းအောင် မောင်မင်းဆက်တင်။ မောင်အေး…'

'မှန်ပါ။ ကုလားဖြူတပ်မှူး ရောဘတ်ဆန်ညွှန်ကြားချက်နဲ. ရှင်မဖြူကျွန်းကို လာရောက်သိမ်းပိုက်ဖို.အကြံနဲ. လာခဲ့တဲ့ ဆူပရာမာဒိုဝီရဲ.တပ်ခွဲနဲ. ကျွန်တော်မျိုးတို. ကျွန်းစောင့်တပ်တို. တိုက်ပွဲဖြစ်ခဲ့ပါတယ်မင်းကြီး။ ကျွန်တော်မျိုးတို. အမှု တော်ကို ရွပ်ရွပ်ချွံချွံ ထမ်းရွက်ခဲ့လို. မျက်နှာဖြူကုလားတွေဘက်က ဂျမဒါ ဟာရီဆင်းအပါအ၀င် သုံ.လူ ဆယ်ယောက်ကို မင်းကြီးဆီကို ပို.အပ်ခဲ့ပါတယ်'

မဟာမင်းကြီးကျော်စွာ ကွပ်ပျစ်ကို ဖြန်းကနဲ ပုတ်ခတ်သည်။

'အဲသဟာ ပြောတာပ မောင်အေးငယ်။ သင်းတို.က အခု ရှင်မဖြူကျွန်းဟာ ရခိုင်ဘုရင်ကို တို.များ ယခင် ဗဒုံမင်းတြား လက်ထက်ကတည်းက သူရို.ကို ပေးခဲ့ပြီးသားပြောနေတယ်။ တကယ်တော့ လည်ဆယ်လှည့်ဖျားနေတာမှန်း အသိသာချည်းပ'

ဗိုလ်မောင်အေး အံကြိတ်သည်။

' ဗဒုံမင်းတြား ရခိုင်ဒေသကို သိမ်းပိုက်ကတည်းက ရှင်မဖြူကျွန်းဟာ ကျွန်တော်မျိုးတို. အပိုင်ဖြစ်ခဲ့တာပါမင်းကြီး၊ သင်းတို.က အကြံတူ နောက်လူ သာစမြဲလုပ်နေတာပ၊ မင်းကြီး အမိန်.တော်သာ ချလိုက်ပါ။ ကျွန်တော်မျိုးတို. …….'

မင်းကြီးခေါင်းကို လေးပင်စွာ ခါယမ်းသည်။ မျက်နှာသည် တည်ငြိမ်သော်လည်း ညှိုးလျော်သည်။

'သင်းတို.ရည်ရွယ်ချက်က သည်ကျွန်းတင်မကဘူး ငါ့လူတို.၊ ရည်ရွယ်ရင်းက ရန်စရုံသာဖြစ်တယ်။ တို.များမှာ ဆုတ်လည်းစူး၊စားလည်းရူး ဖြစ်နေရတယ်။ တို.တတွေ ငြိမ်နေတာ လူရေးညံ့လို.မဟုတ်။ နိုင်ငံနှစ်နိုင်ငံကြားက စစ်ပွဲစတင်တဲ့ တရားခံအဖြစ် မဖြစ်လိုဘူးကွယ်။ သို.ပေမယ့်……'

မင်းကြီးမျက်လုံးများအဝေးဆီ ငေးသည်။ မျက်လုံးများသည် ဓည၀တီမြို.ကိုကျော်၍ ရတနာပူရနေပြည်တော်ဆီသို. လှမ်း၍ တိုင်တည်နေဟန်။

'ရှင်မဖြူကျွန်းဟာ မြန်မာပိုင်ဖြစ်ကြောင်းကြေညာရမယ်။ စစ်တကောင်းကို အရာရှိတစ်ယောက် စေလွှတ်ပြီး အတည်ပြုစေရမယ်။ ရမယ်မထင်ပေမယ့်……..'

အဝေးဆီမှ စစ်ပွဲစည်သံကြားလာရသလို ထင်ရလေသည်။

+++++++++++++++++++++

စစ်သည်စာဆိုမင်းကြီး၏ မျက်နှာတော်ဝယ် ယခုတစ်ကြိမ်တွင်မူ စစ်သည်တော်စိတ်က လွှမ်းမိုးနေဟန်ရှိသည်။ ဓည၀တီမြို.၀န်စံအိမ် ခန်းမကျယ်သို. ရောက်မဆိုက်ဝယ် အစည်းအဝေးခေါ်သည်။ နေပြည်တော်မှ ပင်ပန်းတကြီး လာခဲ့ရသော်လည်း အမှုတော်ကိုသာ အာရုံစိုက်နေဟန်ရှိသည်။ စစ်ကဲစစ်မှူးများရှေ.၀ယ် ဓည၀တီမြို.၀န်ကို ပြစ်တင်မောင်းမဲသည်။ သို.သော် မောင်းမဲနေဟန်ထက် ကြေကွဲဝမ်းနည်းနေဟန်သာ ပိုနေသည်။

'ဖမ်းထားတဲ့ သူရို.လူတွေ ချက်ချဉ်းလွှတ်ပေးလိုက်၊ သည်အရေးက မောင်မင်းအရေးမဟုတ်ဘူး'

မြ၀တီမင်းကြီး၏ မျက်နှာကို ဓည၀တီမြို.၀န် နားမလည်နိုင်စွာကြည့်မိသည်။ အခြေအနေအရပ်ရပ်ကို နေပြည်တော်သို. အလုံးစုံ အစီရင်ခဲ့ခဲ့သည်။ တမင်သက်သက် ရန်စစော်ကားလာသော ကုလားဖြူများအား အညံ့ခံရတော့မည်လော။

'မင်းကြီး၊ ကျွန်တော်မျိုး လျှောက်တင်ပါရစေ'

မြို.၀န်အသံသည် မခံချင်စိတ်ဖြင့်တုန်ခါနေသည်။ မြ၀တီမင်းကြီး ခေါင်းခါသည်။

'မောင်မင်း အရေးမဟုတ်ဘူးလို. ကျုပ်ပြောနေတယ်…'

တည်ငြိမ်လွန်းသော စာဆိုစစ်ကဲကြီး၏ မျက်နှာဝယ် ပြုံးရိပ်မဆိုစလောက်သမ်းသွားသည်။ ပြီးမှ တစ်လုံးချင်း ပြောသည်။

'မင်းကြီး မဟာဗန္ဓုလ မကြာခင် လိုက်လာလိမ့်မယ်'

++++++++++++++

ညသည် အေးစက်နေသည်။ ကမ်းခြေဆီသို. တလိမ့်လိမ့်ပြေးဝင်သွားသော လှိုင်းတို.၏ ရိုက်ပုတ်သံကို လှေလျှင်များဆီမှ သဲ့သဲ့ကြားရသည်။ မှုန်မှုန်သက်သက် ကျလာသော မိုးဖွဲများသည် စစ်သည်တော်တို.၏ တင်းမာနေသော မျက်နှာပေါ်သို. ကျလာနေသည်။

လှေတို. တရိပ်ရိပ်ဖြင့် ရှင်မဖြူကျွန်း၏ လှေဆိပ်ဆီသို. ကပ်လာသည်။ အားလုံးသော စစ်သည်တော်တို.သည် ကျွန်းခံတပ်ထိပ်ဆီသို. အံကြိတ်ရင်း မော့ကြည့်နေကြသည်။ အလံရှိနေသည်။ ကုလားဖြူအလံ၊ တိုင်းတပါးအလံ၊ ကိုယ့်မြေပေါ်တွင် မအပ်မရာရှိနေသော တိုင်းတပါးသားကုလားဖြူတို.၏ အလံ။ သွေးတို. ပွက်ပွက်ထလာကြပေပြီ။

အမှုတော်မအောင်လျှင် ပြန်မလာကြနဲ.ဟု မင်းကြီးက မှာလိုက်သည်။ ရာသီဥတု ဆိုးဝါးသဖြင့် ရှင်မဖြူကျွန်းမှ ဆုတ်ခွာခဲ့ကြသည်။ သင်းတို.ကိုကြောက်၍ မဟုတ်ကြောင်း ယခုမကြာ သင်းတို. သိစေရမည်။

တို.မြေပေါ်မှာ ကုလားဖြူတွေရောက်နေသည်။ ကုလားဖြူကျွန်တွေရောက်နေသည်။ သင်းတို.သည်သူတပါးမြေကို မတရားလိုချင်နေကြသည်။ သင်းတို. ပိုင်ဆိုင်ရမည်မှာ သေမင်းမှတပါး အခြားမရှိကြောင်းသိစေရမည်။

ဓားရိုးများကို ကျစ်ကျစ်ပါအောင်ဆုတ်၊ တိတ်ဆိတ်သောခြေလှမ်းများသည် သင်းတို.ခံတပ်ကို ၀ိုင်းမိကြလေသည်။ ညသည် ခြောက်ခြားဖွယ်ရာတိတ်ဆိတ်နေသည်။ တပ်မှူးသည် အနီးတစ်ဝိုက်ရှိတပ်သားများကို လှည့်၍ အကဲခတ်လိုက်သည်။ တလက်လက်တောက်ပြောင်နေသော မျက်လုံးများဝယ် အကြောက်တရားကိုမတွေ.ရ၊ အာရုံစူးစိုက်ဇောဖြင့် ၀င်းလက်နေသည်ကိုသာတွေ.ရသည်။

တပ်မှူးသည် ကျေနပ်တင်းမာစွာပြုံးလိုက်ရင်း ဓားလွတ်ကို လေထဲသို.မြှောက်လိုက်သည်။ ကြယ်ရောင်၊တိမ်ရောမှိန်မှိန်၏ အောက်ဝယ် လက်ကနဲဖြစ်သွားသည်။ ဓားလွတ်ကို ပြန်အချ၊ ၀မ်းခေါင်းသံကြီးဖြင့် ကြုံးဝါးသံ၊

ညသည် သွေးပွက်ပွက်ဝေပြီတည်း။

++++++++++++

၁၈၂၄ မတ်လ ၁၉ရက်နေ.တွင် ရှင်မဖြူကျွန်း တွင် မြန်မာဒေါင်းအလံ ပြန်လည်လွှင့်ထူနိုင်ခဲ့သည်။ မေ ၁၆တွင် ပန်းဝါတိုက်ပွဲ ဖြစ်ပွားခဲ့သည်။ ၁၈၂၅ ဧပြီလ ၁ ရက်နေ.တွင် ဓနုဖြူတွင် မင်းကြီး မဟာ ဗန္ဓုလ ကျဆုံးခဲ့သည်။ ၁၈၂၆ ဖေဖေါ်ဝါရီ ၂၄ တွင် ရန္တပိုရွာတွင် စစ်ပြေငြိမ်းရေး စာချုပ်ချုပ်ဆိုကာ တိုင်းပြည်တစ်ဝက် အင်္ဂလိပ်လက်အောက်သို. ရောက်ရှိခဲ့ရလေသည်။

+++++++++

ဓည၀တီမြို.၀န်သည် အံကြိတ်လိုက်သည်။ မင်းကြီးမဟာဗန္ဓုလ မရှိပြီ၊ တိုင်းပြည်တစ်ဝက်လည်း ကုလားဖြူလက်အောက် ရောက်ခဲ့ရပြီ။ ညောင်ပင်မှညောင်စေ့သည် အရွယ်ငယ်သည်ဟူ၍ ပေါက်ကာစ၀ယ် မရှင်းလင်း မဖယ်ရှားမိသည် ဖြစ်အံ့။ ညောင်မြစ်တစ်စ ကုတ်တွယ်မိရုံနှင့် အဆောက်အဦး တစ်ခုလုံး ပျက်စီးယိုယွင်းစေတတ်မှန်း မိမိတို. မသိ၍ မဟုတ်။ မိမိတို. မြေပေါ်ဝယ် တစ်စထက်တစ်စ ခြေချဖို. အကြံကိုလည်း မသိ၍ မဟုတ်။

နန်းတွင်းဝယ် ကိုယ့် အုပ်စုဖြင့်ကိုယ် နေရာယူရေးကြိုးပမ်းနေမှုများကိုလည်း ကြားသိရ၏။ နွားကွဲလျှင်ကျားဆွဲတတ်၏ ဟူသော သဘောကို ယခုမှပြောလျှင်လည်း မှီတော့မည်မဟုတ်။

ယခုတော့ တိုင်းပြည်တစ်ဝက် တစ်ပါးလက်ရောက်ခဲ့ပြီ။ ထိုကဲ့သို. နန်းတွင်းနေရာလုပွဲများ ထပ်မံ ဖြစ်နေလျှင်လည်း တိုင်းပြည်လုံးလုံးဆုံးရှုံးဖို.ရန် မဝေးတော့ကြောင်း မဟာမင်းကြီးကျော်စွာ တွေးနေမိသည်။ ယခုတော့ ရွှေနန်းတော်မှ လူတစ်စုထံ သူလှမ်းပြောချင်နေသော စကားတစ်ခွန်း ရှိနေလေသည်။

တိုင်းပြည်သူတပါးလက်အောက်ရောက်သွားလျှင် သူတို.တမ်းတမ်းစွဲ မက်မောနေသော အာဏာသည် ဘာအဓိပ္ပါယ်များ ရှိပါဦးမည်နည်း။ အော်……..ဘာအဓိပ္ပါယ်ဆိုသည်များ ရှိနေပါလိမ့်ဦးတော့မည်တည်း။

------------သက္ကမိုးညို (၁၁.၆. ၂၀၁၂)---------------